Sisimiuni ikuallaavittaassap assiliartaa.Assi: ESANI A/S

Eqqakkat kiassarnermut iluaqutaalissasut

Nukissiorfiit ESANI A/S suleqatigalugu eqqakkat innuttaasunut suliffeqarfinnullu kiassarnermut iluaqutaalersinniaraat.

Nuummi Sisimiunilu nutaanik ikuallaaviliortoqassaaq. Taakku 2022-p 2023-llu akornanni atuutilertussat illoqarfinniit nunaqarfinniillu eqqakkanik tigooraasussaapput.

Nuummili ikuallaavik Nuummiut eqqagaannik taamaallaat pilersorneqassaaq.

Ikuallaaviit nutaat atulerpata ikuallaaviit pisoqqat nungullarsimasut nunaqarfinnilu ikuallaaviit matuneqassapput.

Nukissiorfiit kommunillu ataatsimoortumik eqqagassalerinermik ingerlatseqatigiiffiat ESANI A/S Sisimiuni Nuummilu eqqakkanik ikuallaavissat ungasianiit kiassarnermut pilersuisussatut isumaqatigiissutigaat.

Eqqakkat ikuallanneqarpata ikuallaavimmiit ruujori aqqutigalugu Nukissiorfiit atuisuminnut kiassarnermik pilersuilissaaq.

Nukissiorfiit ESANI A/S-ilu naapertorlugu, eqqakkat innuttaasunut suliffeqarfinnullu iluaqutinngorlugit ungasianiit kiassarninngortinnialerpaat.

– ESANI A/S suleqatigalugu eqqakkat passunneqartarneranni unammillernartitanik aaqqeeqataanerput, taamaalillutalu eqqakkanit nukissiap pilersinneqartup avataanit kiassaatitut iluaqutigineqalernissaa pitsaavoq, Nukissiorfiit pisortaa Kaspar Mondrup oqarpoq.

Eqqakkat ullormut 60 tonsit

Sisimiuni Nuummilu ikuallaavissat muteerniusut maanna atorneqartunit avatangiisinut qajassuarnerujussuupput, ikuallaaviillu eqqakkanik 60 tonsit missaannik ulloq unnuarlu suliaqarfiusinnaapput.

Eqqakkat poortorneqartalissapput ikuallaavittaanullu assartorneqartalissallutik. Illoqarfiit nunaqarfiillu ilaanni eqqakkat katersorneqartarnerisa kingunerannik unammillernartut aaqqinneqassallutik. Eqqakkat pisuussutitut atorluarneqarsinnaalissapput:

- Nunatsinni eqqakkat ajornartorsiutit muteerniusumik pisariitsumillu aaqqinneqarsinnaalernerat nuannaarutigaarput. Tamanna illoqarfippassuarni nunaqarfippassuarnilu maannatut eqqakkanik passussillunilu katersisarunnaartussani malugineqarsinnaalissaaq, ESANI A/S-ip pisortaa Frank Rasmussen oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat