Eqqakkanik ikuallaaneq iluaqutigineqarsinnaavoq

Nukissiorneq, silap pissusaa CO2-lu eqqarsaatigalugit eqqakkanik ikuallaanerup iluaqutigisinnaanera periuseq pitsaanerpaavoq. Taamatut oqarpoq Danmarkimi kommunit suliffeqarfiisa peqatigiiffiata, RenoSam-ip siulittaasua, Vagn Larsen.

- Eqqagassarpassuaateqarutta iluarnerpaavoq periarfissatsialaallunilu ikuallallugit kiassaatigalugillu innaallagialiuutigisinnaagaanni. Silaannarmik mingutsitsinerup killilersimaarneqarnissaanut periuseq iluarluinnarpoq, Vagn Larsen Danmarkimi Teknikkikkut Ilisimatusarfimmit misissuinermut atatillugu oqarpoq. Ilisimatusarfimmiit nalunaarutigineqarpoq Danmarkimi naalakkersuisut nalunaarutiminni tunngavilersuutaanniit Danmarkimi ataavartumik nukissiorneq annikinnerusoq gassinillu silaannarmik kissakkiartortitsisunik mingutsitsisoqarnerusoq. Vagn Larsenilli tunngavilersuutigaa, eqqakkat ikuallallugit nukissiunngikkaanni uuliamik, aamarsuarnik gassimillu nukissiortoqartariaqassagaluarnera, tamannalu mingutsitsinermik annertunerusumik kinguneqassagaluartoq. Eqqakkat ikuallassanngikkaluaraanniluunniit atoqqinneqarsinnaasut killeqarmata suli annertuut toqqortorneqartussaapput, toqqortukkallu oqukkunik metangassiliulissapput taannalu CO2-mit 21-riaammik ajoqutaanerusarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat