Eqqagassat pillugit isornartorsiuvoq

Naalakkersuisut eqqagassat pillugit pilersaarutaat maanna kangia-kitaata kommunerujussuassaanit isornartorsiorneqarpoq.
Allattoq Oline I. Olsen
juulip 17-at 2008 05:20

Kujataata kommunerujussuassaani eqqakkat pillugit ernummateqarneq viceborgmesterinngortussap Per Berthelsenip tusagassiorfinnut nalunaarutaani isumaqatigineqarpoq.

Kujataata kommunerujussuassanni borgmesterinngortussaq Simon Simonsen sapaatip akunnerata siuliani eqqakkat pillugit Naalakkersuisut aningaasaliisimannginnerat naammagittaalliuutigivaa, eqqakkammi pillugit maanna Naalakkersuisut tusarniaammata.

- Naalakkersuisut pissutsit aallavigalugit aningaasaqarnikkut nammatassat agguataarnissaat pillugit piaarnerpaamik isumaqatigiinniarnerit aallatittariaqarpaat aamma eqqagassanik passussineq kiisalu Kalaallit Nunaanni ikuallaaveqarnermut tunngasut kinguaattooqqasut Simon Simonsenip iluarsiivigeqqusaat isumaqatigaagut, Per Berthelsen nalunaarpoq.