Eqqaavitoqqat iluarsiiffigineqarnissaat pilersaarusiorneqarput

Innuttaasut ulluinnarni eqqaavissuit eqqannguini najugaqarnertik ajornartorsiutigigaat Radioaviisimi ulluni kingullerni tusartarpavut.

Inuit peqqinnissaat, pinngortitaq avatagiisillu innuttanit ippigusuutaajuartut, kommunenit Naalakkersuisunilluunniit soqutigineqanngineramik. Pilersaarutit amerlaqaat, qanorli iliuuseqartoqarniarpamita?

Eqqakkat pillugit pilersaarut annertoqisoq akisoqisorlu aallartinneqalersaarpoq.

Attaveqarnermut Avatangiisinullu naalakkersuisoqarfimmiit nalunaarummi allassimavoq eqqakkat pillugit iliuuserisassat annertuut, ullumikkut pissutsinut naleqquttut, avatangiisinut peqqinnissamullu ajoqusiinnginissaannik qulakkeerinnittut pisariaqartinneqartut anguniarlugit ukioq 2020-mi naammassineqareertussamik pilersaarusiortoqareerpoq.

Innuttalli aperisarput pilersaarutit qaqugu aallartinneqassanersut, inuiaqatigiinnullu qanoq akeqassanersut.

Attaveqarnermut Avatangiisinullu naalakkersuisoqarfimmiit nalunaarutigineqarpoq 2009-miit 2012-ip tungaanut ingerlasussamik pilersaaruteqarlutik, eqqaaveqarnerlu ataatsimut isigalugu 2013-imiit 2020-p tungaanut aaqqiissuteqartarnissanik pilersaaruteqarlutik.

Ukioq 2009-miit 2020-p tungaanut pilersaarutaasunut 400 milliuuni koruunit pallillugit aningaasartuutigineqassasut naatsorsuutigineqarpoq. Eqqaaveqarnerli ataatsikkut iluarsaaffigineqarsinnaanngimmat, immikkoortitaartunik pilersaarusiortoqareerpoq, taakkualu naapertorlugit ineriartortitsieq ukiumiit ukiumut assigiinngitsunik amerlassusilinik aningaasaliisoqartassaaq. Assersuutitut taaneqarsinaavoq ukioq 2014-imi 92 milliuuni koruunit avatangiisit iluarsaaffigineqarnissaannut aningaasaliissutaassapput, taakkunannga 87 milliuuni koruunit ikuallaaveqalernissanut atorneqassallutik.

Eqqakkanik inissiisarfiit eqqaavitoqqallu pillugit immikkut pilersaarusiortoqarpoq, taakkualu matoorlugit nutaanik taarsersornissaannut 43 milliuuni koruunit aningaasaliissutaasussaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat