Eqqaassisoq tigummigallagassanngortinneqarpoq

Nuup Nuussuaani ullaaq angut tarnimigut napparsimasoq biilit tungaannut eqqaassisoq Nuup Eqqartuussiviani ullumi sassartinneqarmat sapaatip-akunnerini sisamani tigummigallagassanngortinneqarpoq. Taamatuttaaq Dronning Ingridip Napparsimmaviani tarnimikkut napparsimasut uninngavianni inissinneqarluni.

Angutip tigummigallarnissaanut sivisussusiliinermut pineqartoq illersuisualu suliassanngortitseqqipput, sapaatip-akunneranilu tigummineqarnissaa kissaatigalugu. Tamanna pillugu politeeqarfimmi pisortaagallartoq Johan Davidsen ilisimatitsivoq.

- Angut pineqartoq inuusuttuuvoq tarnimigullu napparsimasoq malugineqarsinnaalluni, politeeqarfimmi pisortaq oqarpoq.

Aamma oqarpoq, eqqaassiffiusimasup nalaaniissimasut tamangajammik politiinit oqaloqatigineqarsimasut, paasissutissanilli nutaanik pissarsisoqarsimanngitsoq. Persuttarneqarsimasulli imaluunnit siorasaarneqarsimasut politiinut saaffiginninnissaat kaammattuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat