Eqqaamannissinnaaneq pillugu Amerikamiut misissuisimapput
Amerikamiut misissuinerisa maanna takutippaat eqqaamasinnaaneq 20-nik ukioqarnerup naajartorneranili ajortunngoriartulereersartoq. 22-nik ukioqarnitta nalaani eqqaamasaqarluarnerusarpugut. 30-nilli ukioqalersinnatali qaratsatta ajortunngoriartulereersarneranik oqaluttarneq ingasattajaarneruvoq, taama oqarpoq danskeq qaratsamut tunngasunut ilisimatooq Andreas Røfdorph Århus Universitetimeersoq.
-Soorlu atuakkiortut ajutuuleriartornissaq pillugu oqaluttuaq tamanna oqaluttuariniarlugu ulapissimassaqisut, kisianni 20-t qiteqqukkaanni pitsaanerpaasarpoq kingornali ajortunngoriartulersarluni. Tamanna qanoq ingerlanitsinnik, tassa inuttut aamma qaratsatta qanoq sulineranik ajornanngippallaamik oqaluttuarinninneruvoq.
Akerlianilli ilisimatooq isumaqarpoq inuup ukioqqortusiartornermini sunaluunniit eqqaamaniarlugu ajornartorsiutigiartortaraa, allanilli aamma iluaqutissarsisarpugut.
-Ullumikkut qaratsatsinni eqqarsariartaaserput soorlu tasisuaartutut maavaartutullu ippoq, tassa imaappoq, iliuuseqarfigineqartilluni allanngoriartortarluni.
Qarasarput atornerugutsigu taava aamma sumut atorneqarnermigut pitsanngoriartortarpoq. Annerusumik ulapipilutsikkutsigu, tassa ulapipilutsikkutta, imaluunniit soorlu sinnakilaarsimatilluta, taava eqqaamannittaatsitta najoqqutassiornissaa ajornakusoornerulersarpoq.
-Qaratsatta eqqaamasaqartarneranut puigortarneranulluunniit suna pissutaanersoq suli oqallisigineqartarpoq, ataaserli qulanaappoq, Andreas Røfdorph oqarpoq, tassa sanilitta qanoq ateqarnera eqqaamarusukkutsigu taava aqqutissaq ataasiinnaavoq.
