Eqqaamallugu: Aasaanerani nalunaaqutaq arfininngorpat atorunnaassaaq
Arfininngorpat unnukkut nalunaaqutaq akunnermik ataatsimik kinguartittussanngorparput, taamaalillunilu aasaanerani nalunaaqutaq atorunnaassaaq.
Allattoq Simon Uldum -
oktobarip 28-at 2016 08:48
Ukiuliinnaqaaq-aasiit. Taamaammat ileqqutsitut nalunaaqutaq akunnermik ataatsimik kinguartittussanngorparput.
Kitaani, Tasiilami Qaanaamilu arfininngorpat oktobarip 29-ani nal. 23.00 akunnermik ataatsimik kinguartissavarput, taamaalilluni nalunaaqutaq unnukkut qulinngortillugu.
Ittoqqortoormiuni nalunaaqutaq sapaammi oktobarip 30-ani nal. 01.00 akunnermik ataatsimik kinguartissaaq, taamaalilluni nalunaaqutaq unnuap qeqqartillugu.
Pituffimmi Danmarkshavnimilu nalunaaquttat aasaanerani allanngortinneqarneq ajormata sumiiffinni pineqartuni nikisitsisoqanngilaq.
Aasaanerani nalunaaquttap atuutitinneqalernera pisarpoq Namminersorlutik Oqartussat nalunaarutaat nr. 15, 20. oktober 2009-meersoq naapertorlugu.
Najoqqutarisaq: Naalakkersuisut.gl
