Aqqartartut sisamat marlunngormat pingasunngormallu eqalussuarmit saassunneqarsimammata oqartussaasut nalunaaquttap akunnerini 48-ni tulliuttuni naluttoqarnissaa inerteqqutigigallarpaat.
Aqqartartup ataatsip assani annaavaa, pingasut nissumikkut qatiggamikkullu kiineqarlutik. Nutaarsiassaqartitsivimmi Reutersimi tamanna allaaserineqarpoq.
Nutaarsiassaqartitsivimmi AFP-mi allassimasut naapertorlugit, aqqartartup ataatsip isikkani aamma annaasimavaa.
Aqqartartut, russit pingasut ukrainimiorlu ataaseq, Igitsinimi illoqarfiit pingaarnersaanni, Kairomi, nappasimmavimmut unitsinneqartut, Igitsinimi nutaarsiassaqartitsivimmi Menami allaaserineqarpoq.
Sharm el-Sheikhimi eqalussuit qaqutiguinnaq saassussisarput, illoqarfik taanna feeriarfigissallugu nuannarineqartorujussuuvoq, qallunaanit aammalumi Nunatsinniit orninneqarluartarluni.
Pinngortitamik tasamani illersuiniaqatigiiffimmit ilisimatitsitssutigineqarpoq ukiumut ataasiarluni ukiorlunniit allortarlugu eqalussuit saassussisarput.