Eqaluk 54 Tasiusamiit isikkamik arsaannermik pissartanngorniuteqataaqqaarnerat

Eqaluk 54 Nanortallip kommuneata nunaqarfianit Tasiusameersoq, nunaqarfinnit tallimaneersunit katillugit 20-inik inuttaqarluni Nuummi angutit isikkamik arsaanneranni pissartanngorniuteqataavoq.

Sungiusaasuat Erik- Røde Frederiksen Pissartanngorniunnermi normu 5-inngorniuteqataanertik ajoriinnangassaannginnerarpaa, Eqaluk 54 siuariartorneraatigalugu.

-Inuuneri arsarsinnaanerilu takoriarlutigit katersornikuuagut, iluamik arsarsinnaaneri pinngikkaluarlutigit kisianni sungiusarluarsinnaaneri takusinnaagaangatsigit, taava aperisarpagut imaluunniit nammineq aperisarput GM-imut peqataasinnaanerlutik, taava GM-ertoqarnissaanut sungiusalertarpugut, Erik- Røde Frederiksen, Eqaluk 54-imi sungiusaasoq oqarpoq.

Eqaluk 54 suli pitsanngoraluttuinnarpoq. Sungiusaasuata siuariartornerat sukkanaarpaa.

-Ilimagisaraluarakku ukiut tallimat qaangiuppata immaqa aatsaat GM-eqataasinnaassalluta, kisianni ukiut pingasut qaangiupput peqataavugullu.

Eqaluk 54 nunaqarfinnit tallimaneersunit inuttaqarpoq, taakkualu Nanortalimmi sungiusarniarlutik katersuuttarput.

-Maannamut Malamummut unammilluta ajorsassagaluarutta akuerisinnaavara, arsaattugut inuusuttuaraapput, GM-imilu unammisarnernut sungiusaqaratik, taamaammat suli ineriartornissarput neriuutigaara, Erik- Røde Frederiksen oqarpoq.

- Uanga kisimiinngilanga Tasiusaminngaanniit Nanortalimmut sungiusariartartoq, umiatsiamik akunnerup affaa angalasarpugut, arsareerniutaalu utimukapallattarluta, Erik-Røde Frederiksen oqarpoq.

Eqaluk 54-ip pissartanngorniunnermi uani immikkuullarequtaasa ilagaat, ilaquttatik nassarlugit unammiaramik, taamaasillutik illersorteqarluarput.