Norgemi sapaatip akunnerata kingulliup naanerani anorersuallarmat eqaluit tukertitsivimmiut 150.000-it toqorarsimapput, allallu aamma 150.000-iusut qarsuitsineqarnera pissutigalugu imaanut avalararsimallutik.
Eqaluit imaanut avalattut pisariniarneqaraluarput, ikittuinnaalli maannamut katersorneqarsinnaasimapput.
Eqalunnik tukertitsiviup anorersuarmit taama eqqugaanini aningaasanik millionilinnik arlaqartunik annaasaqaatigaa, Norgemiut nutaarsiassaqartitsivii taama tusarliussipput.