Politikki Inuussutissarsiutit

Enoksenip Royal Greenland namminersortunngorsarusuppaa

Namminersorlutik Oqartussat aalisarnikkut ingerlatseqatigiiffia Royal Greenland namminersortunngorsarneqassasoq Hans Enoksenip maanna piumasaraa. Aviisi Sermitsiaq sapaatip akunnerani matumani taama allaaserisaqarpoq.
Assi © : KNR
Allattoq Jonas Fievé, Sara K. Jakobsen
marsip 03-at 2017 19:45

Royal Greenland kilisaatini aqumiut 60 procentiisa nunaqavissuunissaannik immikkut akuerineqarnissamut maleruagassamik atorluarsarnerarlugu, aalisarnermut piniarnermullu naalakkersuisup isornartorsiorpaa.

Suliffeqarfiilli namminersortut kilisaatatiminni nunaqavissunik inuttaqartartut nersualaarai, aviisi Sermitsiaq allappoq.

Royal Greenland naapertuilluanngitsumik unammillertarnerarlugu aamma isornartorsiorpaa, taamaammallu piginneqatigiiffissuup anginertatut inissisimanera qaangerniarlugu namminersortunngorsarneqassasoq, naalakkersuisoq isumaqarpoq.
Royal Greenlandimillu namminersortunngorsaanissamik apeqqut Namminersorlutik Oqartussani oqallisigineqarsimasoq, Naalakkersuisut siulittaasuata naalakkersuisoqarfiani pisortaq Søren Hald Møller Sermitsiamut uppernarsaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Inuit nunami nunarsuarmi pissaaneqarnerpaasumiittut aqagu qinersissapput, tamannalu ilinnut sunniuteqassaaq

Politikki

Ilisimatusartoq: Umiarsuit takornariartaatit arfernut aarlerinartorsiortitsinngillat

Politikki

EU nunatsinnut nuannarinnilersitsissalluni neriuuteqartoq