Enoksenip piumasani allanngortinngilaa
Naalakkersuisut ataatsimiinnerat naammasseqqammerpoq, naalakkersuisullu siulittaasuat Hans Enoksen oqarpoq, Atassut Naalakkersuisooqatigiit isumaqatigiissutaannik malinnikkumanerluni maanna aalajangertariaqaraa.
- Atassut ilaasortaminik inissiisariaqarpoq, siulittaasuata siulittaasuunini takutittariaqarpaa. Hans Enoksen erseqqissaavoq.
Atassutip Ellen Christoffersen tapersersorpaa, qanoq akissaviuk?
- Siulittaasuata suliassaq isumagissavaa, Atassummut akuliuteqqissanngilanga. Naalakkersuisooqatigiilli tatigeqatigillutik ataqqeqatigiillutillu ingerlanissaat piumasaraara. Hans Enoksen oqarpoq.
Aamma erseqqissaavoq, Atassutip isummani allanngortinngippagu tamanna nammineq akisussaaffigissagaa. Naalakkersuisooqatigiinnermi?
- Akisussaaffik Atassutip siulittaasuata tigummilereerpaa, suliassaq nammineq naammassisariaqarpaa, naalakkersuisooqatigiinneq ataqqeqatigiissumik ingerlassappat. Qularnanngilaq ullumikkut naammassinissaa. Hans Enoksen oqarpoq.
