Enoksen: Nalilersueqatigiittalernissaq pissusissamisuuginnarpoq

Naalakkersuisussatut piukkunneqartut Naalakkersuisoqatigiinni isumaqatigiinniutigineqartalissappata pissusissamisuuginnassasoq, Siumup aamma Naalakkersuisut siulittaasuat Hans Enoksen isumaqarpoq, naalakkersuisooqataasut Inuit Ataqatigiit aalajangersaaqataasalernissamik piumasaqareersullu.

- Oqaloqatigiinnerusalernissaq tamatsinnut iluaqutaassaaq, naalakkersuisussatut inassutigineqartut siornatigutut tusaatissatut tiguinnarnagit oqaloqatigiissutigisalerutsigit sulinermut aamma nukittorsaataaginnassaaq. Aamma takorluunngilara isumaqagiinngivissortoqarsinnaanera partiit namminneq toqqagassaat salliutinneqartussaammata. Hans Enoksen oqarpoq.

Radioavisi Nuummi Sisimiunilu aqqusinermi inunnik naapitaminik ippassaq isumasiuinerani erserpoq, innuttaasut ilaasa qinersisoqarnissaa kissaatigigaat.

- Pisimasut akuerineqarunnaarnerat tatiginassutsimeereerpoq, taannalu inuiaqatigiinnit nuannaarutigineqartariaqarpoq. Siornatigut pisimasut puiguinnarneqartarsimasut maanna pimoorussilluni allanngortinniarneqarput. Hans Enoksen erseqqissaavoq.

Naalakkersuisut siulittaasuata naalakkersuinikkut oqartussaaffinnik arfinilinnik tigummisaqarnera apeqquserneqartut ilagaat, sullitat naammattumik sullinneqarnersut eqqarsaatigalugu.

- Suliassat tamarmik kinguartiterneqarnatik naammassineqartarput. Uannut aamma pingaaruteqarsimavoq, allanngortiterisoqarnani ingerlaannartoqarnissaa, taamaalilluni naalakkersuisunngortitsisoqarnerani oqartussaaffiit ingerlaannaq tunniunneqarsinnaaniassammata. Naalakkersuisut siulittaasuat oqarpoq.

Naalakkersuisunngortissinnaasannik piukkutaqalereerpit ?

- Piukkussaqareerpunga, qanimulli suleqatigisakka tunuliaquttakka naalakkersuisooqativullu pisumi ilungersunartumi paaseqatigiinnissarput qitiussaaq, taanna pereerpat kikkuussanersut tusarumaarpasi. Qularinngilarali ikkunneqartussat piumassuseqarlutik pisussaaffimminnullu ataqqinnilluarlutik minnerunngitsumillu aningaasanik mianerinnillutik ingerlatsilluassasut.

Hans Enoksen aamma oqarpoq, Naalakkersuisunngortussat kikkuuneri kingusinnerpaamik septemberip qulingani tusarliunneqassasut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat