Enoksen Kinalialerpoq
Naalakkersuisut siulittaasuat Hans Enoksen pisortatigoortumik sapaatip-akunnerata tulliani Kinamut tikeraassaaq, tikeraarnerlu pissaaq, Kinap sinniisuutitaata Nunatsinnut siorna tikeraarnerata kingunerisaanik.
Hans Enoksenip Kinamiinnermini qinikkat nuimasut arlallit naapissavai, nunattalu suliffeqarfiutaaneersut inuussutissarsiornermik suliallit ulluni tallimani tikeraarnissami angalaqataassapput.
Ilaatigut Takornariartitsineq pillugu Siunnersuisoqatigiinnit angalaqataasoqassaaq, Kinamiut 1,3 milliardit ilaat Nunatsinnut takornariarnissamik pileritsatsinniassallugit.
- Kina niueqatigiifferujussuuvoq, Hans Enoksen atorlugu periarfissanik ammaaseriaraluassaagut. Hideo Sawahata Takornariartitsineq pillugu Siunnersuisoqatigiinni atorfilik oqarpoq.
Kinami takornariaqarnermik sullissiviit 60-it missaanniittut qaaqquneqarsimapput.
