Enok Energinnguaq qallunaanut siunnersuivoq
Enok Energinnguamik imminut taasoq tassaavoq isiginnaartitsisartoq Brian Lykke DR 2-mi ilaarutiginnilluni quiasaarusiami Krystal Kartelimi ilisimaneqartoq.
Illup iluanik oqorsarluaanissaq paasisitsiniummi siunnersuutigineqarpoq, taamaalilluni Enok Energiinnguup asaasaa kialaartumiinniassammat.
Danmarkimi innaallagissap sarfaanik sipaarnissamik atorluaanissamillu paasisitsiniaaneq aatsaat taamak annertutigisoq taamaasilluni aallartinneqarpoq.
Paasisitsiniummi kalaallit oqasii atorneqartut takunnittunit tusaasunillu tusaqqoorneqarnissaat Brian Lykkep naatsorsuutigaa, aamma taassuma neriuutigaa paasisitsiniutip oqariartuutaa inuit paasilluarumaaraat.
- Innaallagissap sarfaanik atorluaanissamik oqariartuut suliaavoq ajunngitsoq, taamaattumik Enok Energinnguaasaarnissannut neqeroorfigineqarama tunuarsimaanngeqaanga, Brian Lykke oqarpoq.
- Paasisitsiniaaneq isumalimmik siunertaqarpoq kimeqarlunilu, tamannnalu uannut pingaaruteqarpoq, Brian Lykke aviisimi Ekstra Blademi apersorneqarluni oqarpoq.