Enhedslisten: Naalagaaniarneruvoq annertooq
Kalaallit Nunaannut tunngasunut ataatsimiititliap Venstrenut tunniunneqarnera naalagaaniarnertut, Inuit Ataqatigiit ilaasortaatitaannit, Aaja Chemnitz Larsenimit oqaatigineqarpoq. Taassuma taama isumaqarnera Enhedslistenip Folketingimi Kalaallit Nunaat pillugu oqaaseqartartoriligaanit, Christian Juhlimit isumaqatigineqarpoq.
- Naalakkersuisunngortut taama aalajangiussinerat pillugu Inuit Ataqatigiit taama qisuariarnerat paasisinnaalluarpara, Christian Juhl oqarpoq.
Aamma atuaruk Aleqa: Aajap talerperliit ikiuinnarpai
Venstret taamaaliornerminni kalaallit oqaasissaqartitaajunnaarnissaannik anguniagaqartut, Christian Juhl isumaqarpoq. Aamma Danmarkimi pissutsit pillugit Inuit Ataqatigiinnit aatsaat talerperlernut isumaqataassassappata, siulittaasuuffiup Inuit Ataqatigiinnut tunniunneqarnissaanik neqeroorneq Enhedslistenimit mamaagineqarpoq.
- Danmarkimi pisut pillugit taasisassanngikkunik siulittaasuuffik pisinnaavaat. Allatut oqaatigalugu: Siulittaasuutitaqarsinnaapput naalakkersuisuutitaqalersut ikinnerussuteqartut ulorianartorsiortissanngippassuk, tassami atlantikup avannaamiuisa taasinerisigut naalakkersuisut ataasiinnarmik amerlanerussuteqalernissaat anguneqassammat, Christian Juhl oqarpoq.
Taanna aamma oqarpoq, Venstret taamaaliornerminni pingaakujunnermik naalagaaniarnerminnillu takutitsiinnartut.
Soorunami ataatsimiititaliami siulittaasoq tassaasariaqartoq kalaaleq, Christian Juhl isumaqarpoq.
Aamma atuaruk Knuth: Ataatsimiititaliami pissutsit maanna allaanerupput