Emiliano Salap timaa timmisartuaqqami nassaarineqartoq
Inuup timaa timmisartuaqqamit Tuluit Nunaata Frankrigillu akornanni ikerasammi nakkartumiittoq tassaavoq isikkamik araattartup Emiliano Salap timaa.
Cardiff Citymi arsaattartoq, Emiliano Sala, Cardiff City Stadiumip silataani eqqaaniarneqarpoq.
Allattoq Ritzau
februaarip 08-at 2019 09:38
Nutserisoq Mads Lynge
Dorsetimi politiit tamanna uppernarsarpaat.
Timmisartuaraq Emiliano Salamik timmisartortartumillu ilaasulik januaarip ulluisa 21-anni periarfeerunneqarpoq.
Ujaasisut sapaatip-akunnerata naanerani ujaasinerminni timmisartuaraq immap naqqani 63 meteritut ititigisumi nassaaraat, qeqertamit Guernseymit 33 kilometeritut ungasitsigisumi nassaaralugu.
AAMMA ATUARUK Timmisartuaraq isikkamik arsaattartup ilaaffigisaa nassaarineqartoq
Emiliano Sala Frankrigimi arsaattartoqatigiinnit Nantesimit, Walesimi Cardiffimut januaarip ulluisa 19-anni tunineqarpoq, 15 millionit Euronik, tassa 127 millionit koruunit missaannik akeqarluni.
Sala Cardiffimi ukiuni tulliuttuni pingasuni arsaattartussatut isumaqatigiissusioraluarpoq.
/ritzau/
