Emile Olsen: Persuttaasarneq akiorneqartariaqarpoq
- Pissutissaqarluarpoq aarleqqutigissallugu inuusuttuaqqat amerlaqisut siunissaat aserorterneqartoq siusippallaartumik imigassamik atuisunngorsimaneq taamaattussaannartut isigineqaleriartornera aallaavigalugu, Emilie Olsen allappoq.
Imigassap atornerlunneqarnera pissutigalugu persuttaasarnerit amerlavallaarsorai, eqimattanngorlunilu saassussinerit tusarsaagaluttuinnarnerat aarlerinartutut isigalugu.
- Tamanna akiorneqartariaqalerpoq tusarnaartuuginnarsinnaanngilagummi, persuttaanerummi kingunerisaanik inuup timimigut tarnimigullu ikiligaanerata saniatigut aamma angajoqqaat ilaqutaasullu eqqugaasarput kiisalu persuttaasut ilagisat ilanngullugit eqqugaasarlutik, Emilie Olsen oqarpoq.
Imigassap atugaaneratigut ilaqutariit eqqugaasartut amerlaqisut politiit nalunaarutaanni ersersinneqartartoq, Atassut sinnerlugu Inatsisartunut ilaasortaq allappoq:
- Taamaattumik suliniutit ersarinnerit suliarineqartariaqarput, Naalakkersuisut isorliunerusut ilaanni kimittuut matunikuuaat, tamannalu innuttaasut toqqissinerannik sunniuteqartoq politiinit nalunaarutigineqarpoq, Emilie Olsen allappoq.