- Takorloorpara tunisat amerleriarnissaat, umiatsiaararsortullu aningaasarsiornissaannullu periarfissinneqarnissaat, Emanuel Nûko (PN) oqarpoq.Assi: Nick Rahaim/Flickr Creative Commons

Emanuel Nûko Partii Naleraq: Tunumi umiarsuarmik tunitsivimmik perusuppugut

Kulusuup eqqaani umiarsuarmik saarullinnik Naalakkersuisut tunitsiviliillik. Partii Naleqqameersoq, Emanuel Nûko kissaateqarluni tusagassiutinut taama allappoq. Taamaaliornissamulli saarulliit tulaanneqartartut naammanngitsut, Arctic Prime Fisheriesimiit oqarput.

Emanuel Nûkop oqarnera naapertorlugu aalisagaqangaatsiarpoq, kisianni tunumi aalisartunut taamaallaat Kuummiuni saarullinnik qaleralinnillu tunitsiveqarpoq.

- Takorloorpara tunisat amerleriarnissaat, umiatsiaararsortullu aningaasarsiornissaannullu periarfissinneqarnissaat.

Aalisartulli Kulusuup Tasiilallu eqqaaneersut angallateerallit saarullinnik usingaatsiarsinnaanngillat. Aamma imaq mallertillugu Kuummiunut 40 km missaani isorartutigisumut tunisiartornissaat ajornakusoortartoq, Partii Naleqqap Tasiilami immikkoortortaqarfianeersoq, Emanuel Nûko oqarpoq.

AAMMA ATUARUK Arctic Prime Fisheriesip Kuummiuni tunitsivik ammaqqippaa

- Ukiassariartornera ilutigalugu anorlernerusalerpoq, umiatsiakinnerusunut sissuernarnerulerlunilu aamma umiatsiakitsunut Kuummiunut tunisiartornissaq ungasittorujussuuvoq, pingaartumik pisaqarluarsimagaanni, Emanuel Nûko oqarpoq.

Kisianni Kulusuup eqqaani tunitsivimmik umiarsualiisoqassagaluarpat, tamanna Kuummiuni tunitsiviusumut kingunerluuteqassasoq, Kuummiuni tunitsiveqartitsisumik Arctic Prime Fisheriesimik piginneqataallunilu ingerlatsinermut pisortaaqataasoq, Robert Møller, oqarpoq.

- Kingunerisinnaavaa uagut imminut akilersinnaasumik tunisassiorsinnaasusitsinnik innarliingaatsiarneq. Taavalu taamatut ingerlaannassappat soorunami uagut angujartuinnavilluta ingerlalissagaluarpat taava nalilertariaqassavarput qanoq imminut akilersinnaatigiva tunisassiorfitta ingerlaannarnissaa.

AAMMA ATUARUK Arctic Prime Fisheries eqqugaasoq

Robert Møllerip assersuusiaraa, kitaani tunitsivinni ingerlalluartuni ukiumut 4.000 tonsinik tunisisoqarsinnaasartoq, tunumili saarulleqarluaraangat Kuummiuni tunisassiorfimmut ukiumut 400 tonsit tunineqartarlutik.

- Taamaammat tunisassiarineqartartut killeqareerput, aamma pingaaruteqartorujussuuvoq tunisassiat annertunerunissaat, taamaalilluni imminut akilersinnaassusaat pitsaanerujartortussaagami, Robert Møller, oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat