Ellen Trane Nørby Venstremi siulittaasumut tullersortaaniartoq
Taamaalilluni Kristian Jensenip atuuffimminngaanniit tunuarnerata kingorna siulittaasup tullianut aamma qinigassanngortittoq Inger Støjberg unammillerpaa.
- Isumaliutigilluareerlugu amerlasuuniillu kaammattorneqareerlunga taama aalajangerpunga. Tassalu Venstremut ilaasortat aallartitallu qanoq ittumik siulittaasumut tullersorteqarusunnerlutik aalajangernissaminnut periarfissaqalerput, Ellen Trane Nørby aviisimut Danmarkimut oqarpoq, Inger Støjbergimullu akerliuniarluni sassarnani erseqqissaassutigalugu.
AAMMA ATUARUK Ellemann-Jensen aamma Støjberg Venstremi siuttuuniartut
- Qitiusumik atuuffeqassaaq, kisianni uanga siulittaasup tulliatut partiimi ataatsimoortitsisinnaanerussasunga isumaqarpunga, Ellen Trane Nørby oqarpoq.
Siulittaasumut tulliusimasoq Kristian Jensen siulittaasup tulliatut Lars Løkke Rasmussenip partiimi siulittaasutut tunuarnera ilutigalugu tunuarpoq.
Partiiip politikkikkut oqaaseqartartua, Jakob Ellemann-Jensen, siulittaasunngorniarluni sassartuuvoq.