Elite Sportip aningaasaliinissamik isumaqatigiissut nutarterpaa

Angutit assammik arsarlutik nunanut allanut unammisartut Nunatsinneersut Amerikap nunavittaani pissartanngorniunnissamut Mexicomi anngunniunnermi angusarissaarnerat, takussaasumik maanna malunnartinneqarpoq.
Allattoq Mads Lynge
marsip 10-at 2014 04:44

Angutimmi Mexicomi unamminerni tamani ajugaapput, unammiuaarnernilu pointinnannerpaallutik. Amerikap nunavittaani pissartanngorniunnissamut Uruguayimi aasaru juunimi pisussanut taamaasillutik anngupput.
Arsartartoqatigiit angusarissaarnerit pingasut nunarsuarmi pissartanngorniunnissamut tassani anngutissapput, Elite Sport Greenlandillu tamanna tapersersorniarlugu, Kalaallit Nunaanni Assammik Arsartartut Kattuffia isumaqatigiissuteqarfigaa:

- Elite Sport Greenlandip tulluusimaarutigeqaa assammik arsartartut angutitai tapersersorsinnaammassuk, Tupaarnaq Kreutzmann, Elite Sport Greenlandimi allaffimmi ingerlatsisoq ilaatigut allappoq.

Elite Sport Greenlandip siulersuisuisa siulittaasuat Finn Meinel, Kristain Heilmannilu, Kalaallit Nunaanni Assammik Arsartartut Kattuffianneersoq, isumaqatigiissut tallimanngormat atsiorpaat.

Ujakkaartartoq Martin Møller, sisorartartullu allat snowboardertartullu, Taekwon-dortartullu, Elite Sport Greenlandimit aamma tapersersorneqarput.