Elite Sport Greenland ujakkaartartoq tapersersuinnassallugu aalajangertoq
Ujakkaartartup taassuma ukiup kingulliup ingerlanerani angusarisimasai ilaatigut apeqquserneqarlutik aningaasatigut 2015-imi tapersersorneqarnissaa Elite Sport Greenlandimit apeqquserneqaraluarpoq.
Nivialli aningaasatigut ukioq manna tapersersorneqarnissaa ippassaq ataatsimiinnermi isumaqatigiissutigineqarpoq. Ujakkaartartup tunngaviusumik tapersersorneqarnera 50.000-it koruuninik aningaasartaqarpoq, angusallu aallaavigalugit aamma ilaneqarsinnaapput, tamakkiinerusumik tapersersorneqarsinnaalissalluni.
- Susassaqartut - tassa Elite Sport Greenland, Ujakkaartartut kattuffiat Niviaq Chemnitz Berthelsenilu, isumaqatigiissinnaasimapput. Tassa isumaqatigiissummi immikkuualuttut illuatungeriit isumaqatigiissutigisinnaasimavaat, Carsten Olsen, Elite Sport Greenlandimeersoq, tusagassiuutinut nalunaarummi ilaatigut allaaserisaqarpoq.