Elite Sport Greenland timersortartunut tapiissuteqarpoq

Kalaallit Nunaanni timersortartut nunarsuaq tamakkerlugu unammiqataasinnaassagunik sungiusarluarnikkut siunissami angusaqarluarsinnaapput.

- Ujakkaartartoq Niviaq Pedersen aamma Martin Møller tapiissuteqarfigivagut.Tae kwontartullu marluk pikkorilluinnartut Lauritz Heilamm aamma Angutinnguaq Tittusen, Paraglidertartorlu Max Pedersen aamma tapiissuteqarfigalutigit. Timersortartuni piginnaasalittut sulorartartut Jens Frederik Nielsen aamma Taatsiannguaq Pedersen, ujakkaartatoq Kristian Kristorffersen Tae Kwontortartorlu Angula Kielsen kiisalu snowboardertartoq 14-niinnarnik ukiulik Mathias Mark tapiissuteqarfigivagut, Elite sport Greenlandimi qullersaqarfimmi pisortaq Lauritz Heilmann oqaluttuarpoq.

Elite sport Greenland timersuutigineqartut akornanni misissuilluni suliaqarpoq, suliarlu aamma 2012-mi ingerlaqqissaaq. Tamatumanilu isiginiarneqassapput timersortartut qanoq piginnaasaqartiginersut qanorlu angusaqarneri.

-Elite sport Greenland angusaqarluarusuppoq, tapiiffigineqartussanullu annertuumik piumasaqaateqarluni.Taamatut aaliangerneq ukiup aallartinnerani Transparency Greenland suleqatigalugu pisimavoq. Taamaattumik tapiiffigineqartusaatut kalerrinneqartut nalunaarfigineqarput taappiissutit siunissami ataavartuunngitsut, Lauritz Heilmann naggasiivoq.