Assi: Privateje

Elin Nilsson nersornaaserneqartoq

Aningaasaateqarfiup Hans Lyngep aningaasaateqarfiata Holstebromi kalaallit illoqalernissaannik aamma kalaallit isiginnaartitsisarfiata Tuukkaq Teaterip aallartinneqarnissaanik suliniuteqarsimasoq Elin Nielsson nersornaaserpaa.

Elin Nilsson ullumi ataasinngornermi oktobarip ulluisa aqqaneq-aappaani 80-nik ukioqalerpoq. Tamanna pillugu Hans Lyngep kajumissaataanik 10.000 koruuninik tunineqarpoq.

Elin Nilsson qasusuilluni kalaallit inuusuttortaannut aamma kalaallit isiginnaartitsisarfiata siullerpaap aallartinneqarnissaanut suliniuteqarnera pillugu Hans Lyngep aningaasaateqarfianit nersorniarneqarpoq.

Elin Nilsson efterskolemi ilinniartitsisuunermini kalaallit Danmarkimut nuussimasut illussaannik kommunip ingerlataanik  peqalernissamik suliniuteqartunut ilaavoq.

Elin Nilsson Holstebromi borgmesterimit tapersersorneqarluni, kalaallit inuusuttut ornittagassaannik Holstebromi 1970-imi pilersitseqataavoq.

Taamani Grønlandsministeriap pisortatigoortumik isumaa tassaasimavoq kalaallit danskinut akuliutsinneqassasut illunullu aalajangersimasunut katersuunneqassanngitsut. 

Elin Nilsson uinilu Reidar Nielsson suleqatigiillutik taamani kalaallit isiginnaartitsinermut ilinniarfeqalernissaannik eqqarsaat ineriartortippaat tamatumalu kingorna isiginnaartitsisarfik Tuukkaq Teater Fjalringemiittoq pivisunngortinneqarluni.

Tamatuma kingorna Elin Nilsson kulturikkut illu Tuskær center pilersippaa, taanna Tuukkaq Teaterip eqqaaniippoq.

Elin Nilssonip Reidarillu suliaat Hans Lyngep nuannaarluni malinnaaffigai. Hans Lyngep toqunerata kingorna  saqqummersitsineq kingumut qiviarneq, "Isi Isuma - Isit Eqqarsaallu" Elin Nilssonip  suliniuteqarneratigut 1990-imi saqqummersinneqarpoq, kingornalu Danmarkimi sumiiffinni amerlasuuni saqqummersinneqarluni, aningaasaateqarfik Hans Lynge Fonden tusagassiorfinnut nalunaaruteqarluni taama allappoq.

Hans Lyngep kajumissaatitut aningaasaateqarfianut qinnuteqartoqarsinnaanngilaq, siulersuisulli aalajangigaannik agguaassisoqartarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat