El Salvadorimi ajunaartut 124-upput

Tamatuma peqatigisaanik inuit 60-it maqaasineqarput. Præsident Mauricio Funes ullaaq manna taama nalunarpoq.

Taassuma nunap sakkortuumik aqunneqalernera ilanngullugu nalunaarutigaa. Inuit 7.000-inik amerlassuseqartut angerlarsimaffimminniissinnaanngitsut tupeqarfinnut inissinneqartariaqarsimapput.

Anorersuup nassatarisaanik sialussuarujussuarneratigut nunap ilaani annertoorujussuarmik qarsutsisoqarpoq, maqullummillu sisoortoqartarluni. Taakkuninngalu pissuteqartumik inuppassuit ajunaarput.

Anorersuup Idap aamma kinguneranik Nicaraguami tuusintilikkaat angerlarsimaffeerussimapput.

USA-mi anorersuarnut qitiusumik Nakkutilliisoqarfiup ilisimatitsissutigaa, anorersuaq USA-p sineriaanut sapaatip akunnerata ingerlanerani apuutissasoq. Matumani nunap immikkoortui Louisiana aamma Mississippi anorersuarmit eqqugaasinnaasut oqaatigineqarpoq.