Ekstra Bladet: Kunngikkormiut pisuusaartuupput

Dronninngi pisuusaartutut aviisip Ekstra Bladetip taavaa SF-imilu politikereq tapersiivoq.

Ekstra Bladetip uppernarsarpaa, kunngikkormiut timmisartunik helikopterinillu illersornissamik ministeriamiit qanoq attartoqattaartartut, taxatullu atortarlugit. Dronningip nujalerisuni Poul Nejlund qanittukkut Parisiliartippaa, pequttaminik saqqummersitsisussanngorami. Pisariaqanngitsumik mingutsitsiinnarani aamma akileraartartut pisariaqanngitsumik aningaasartortippai, tassami akileraartartut 176.800 koruuninik akiligassinneqarput.

Prinsesse Isabella Fredensborgimi kusittussanngormat Marselisborgemi aasarsiortarfimminniit aanaa aataalu helikoptererput. Kalaallit Nunaannullu angalanerit akileraartartunut 250.542 koruuninik siorna akeqarput.

Danskit kunngikkormiui avatangiisit tungaatigut iliuutsiminni pisuusaartuupput, piffissanngorpoq kunngikkormiut avatangiisit eqqarsaatiginerulerunikkik. Europami kunngikkormiut allat avatangiisit pillugit ukiorpaalunngortuni isummertareerput. Margrethe Prince Charlesimit ilikkagaqarsinnaaqaaq. Taanna iliuutsimigut siuarsimaqaaq, avatangiisinut tunngatillugu ilisimasaqarluarpoq, namminerlu nunaatimini tunisassiornermini avatangiisinut asassiissisuinik tunisassiortarlunui, SF-ip avatangiisit pillugit Folketingimi oqaaseqartartua Steen Gade Ekstra Bladetimut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat