Ejnar Mikkelsen itissusersiuummik nutaaliamik misileraasoq
Umiatsiaaraatillit angallatinillu anginerusunik piginnittut taamaaliorput - angallammilu alapernaarsuummi Ejnar Mikkelsenimi aamma taamaaliortoqarpoq, ilaatigut itissusersiut - ekkoloddi - nutaaq qanittukkut misilittarneqarluni. Itissusersiut imaani uuttortaanermut atugassiaavoq, itissusersiutilli suliassani allani iluaqutigineqarsinnaanera Sakkutuut imarsiortut paasisimavaat.
Ejnar Mikkelsen nunarput kaajallallugu imaanik uuttortaanissamut atorneqarsinnaasunngorlugu allanngortiterneqaleruttorpoq.
Umiarsuup alapernaarsuutip Nuup eqqaani Kitsissut kitaatungaanni itissusersuimmik misileraatilluni ujaasisoqarneranut peqataasussanngorami suliani unitsiinnartariaqarsimavaa. Niviarsiaqqat marluk Nuup kangerluani Innajuattup eqqaani periarfeerunneqarmata.
Itissusersiut nutaaliaq atorlugu uuttortaanerit 301-t 140 gradet iluini ingerlanneqarput, Nuullu kangerluata naqqa sinerissap tungaanut uuttortarneqarluni. Immap assingini pisoqqani immap itissusaa pillugu paasissutissat killeqarneri pissutigalugit angallat tassunngarneq-ajoraluarpoq.
Ejnar Mikkelsen taamaalilluni sinerissamut qanittuaraalluni ingerlaarsinnaasimavoq, qinngusersorlunilu aammalu qinngutit kissassutsimik malussartartut atorlugit niviarsiaqqat alapernaarsorneqarsinnaasimallutik.
Niviarsissallu nalunaaquttap akunnerini 19-ini ujaarineqareersullu alapernaarsuutip aquttarfianit siumorneqarput.
