Piginnittut ukioq kaajallallugu piiaarusuttut
LNS Greenland Gems tigusinermi kingorna ulapissimavoq ukiukkuttaaq sulisinnaasunik atorfinitsitsisarlutik, AG ullumi taama allappoq.
Maannali pilersaarut allanngortinneqarpoq suliffeqarfiullu issoq pinnersaasiassanik qalliisimasoq piiarniarpaa, kingornalu ujaqqat pinnersaasiassat qallorlugit. LNS Greenland Gemsip pisortaa Finn K. Mortensen taama oqaluttuarpoq.
Pisortap ilanngullugu oqaatigaa naatsorsuutigalugu rubinit suliaarineqanngitsut siulliit januaarimi naammassineqarumaartut. LNS Greenland Gemsip rubinit ukiup qaammataani siullermi tuniniaavinnut apuukkusuppai, Kalaallit Nunaanniillu suliarineqanngitsut nassiukkusullugit.
- Aallaqqaammut amerlanerit suliarineqanngitsut tuniniartassavagut. Taava kingorna qillersartassavaat, pisortaq Finn K. Mortensen AG-mut taama oqarpoq.