Eigil Knuth pillugu saqqummersitsinerit marluk
Kalaallit Illuutaanni saqqummersitsineq, nal. 17 ammarneqartussaq, eqqumiitsuliortumut Eigil Knuthimut tunngatinneqassaaq, Arktisk Husimillu issittumi ilisimatusartoq Eigil Knuth sammineqassalluni.
Eigil Knuthip allagaatai, assilisai pigisaalu ukiualuit matuma siorna Arktisk Institutimut tunniunneqarput. Ilaatigullu tamakkuninnga nalunaarsuinerup naammassineqarnera aammalu inunngorneranit ukiut 110-nngornerat malunnartinniarlugu taamatut aaqqissuussisoqarpoq.
Knuth Kalaallit Nunaanni itsarnisarsiuut assaanerini aammalu ilisimasassarsiornerni arlalinni peqataasimavoq, ilaatigut Dansk Nordgrønlandsekspeditionimut 38-39-mi ingerlanneqartumut, ilisimasassarsiorneq taanna tassaavoq timmisartumik ilisimasassarsiornerit siullersaat. Kulturinik Independence I-imik II-millu nassaartuunini kiisalu Tasiilarmiunik qiperuilluini inuusaliortuunini ilisarisimaneqaatiginerpaavai.
Saqqummersitsineq Arktisk Institutimi toqqorsiviup pisortaanit Eigil Knuthillu katersai pillugit suliniummilu suleqataasumit Marie Lenander Petersenimit ammarneqassaaq.