Ehoud Olmert tunuartitaariaannaavoq

Israelimiut naalakkersuisuni siulittaasuat, Ehoud Olmert, naalakkersuisuni siulittaasuunerminit tunuartitaariaannaavoq, ukioq kingulleq upernaakkut Hizbolla-kkut sakkutooqatigiivinut kukkulluni sassusisimanini pissutigalugu. Israelimiut tusagassiuteqarfiisa eqqoriarpaat, Olmert partiiminit qaammatini aggersuni tatineqarluni tunuartinneqassasoq.

Israelimiut naalakkersuisuni siulittaasuusoq, Ehoud Olmert, ukioq kingulleq upernaakkut Hizbollah-kkunnik kukkulluni saassusisimanini sakkortuumik uparuartorneqaatigilerpaa, ataatsimiititaliap sorsunneq pillugu nalunaarusiaq pisortatigoortumik saqqummiutereeraalu. Tamannalu israelimiut siuttuata, pissaanermik tigummiaanik annaasaqaraluttuarneranik kinguneqarataannaavoq.

Nalunaarusiami pisortatigoortumik saqqummiunneqartumi, Olmert piaarpallaartumik iliuuseqarnermigut Israel Hizbollah-kkunnut saassusitissimavaa, aalajangersimasumik siunertaqarani. Sorsunneq aallartippoq Hizbollah-kkut Israelip Libanonillu killeqarfiani israelimiut pingasut toqummatigik allallu marluk Libanonimut qimarngullugit, sakkutuut aallarunneqarsimasut suli ullumikkumut nassaarineqanngillat.

Isumasiuinerit kingulliit takutippaat, israelimiut innuttaasa 3 procentiisa kisimik naalakkersuisut siulittaasuat tapersersoraat, aatsaallugooq taama annikitsigisumik Israelimi naalakkersuisoqartalermalli siulittaasuusoq tapersersornikitsigaaq.