Egyptenimi qimuttuitsut aporneranni inuit ikinnerpaamik 80-t ajunaarput 163-illu aqqunartiterlutik. Ajunaarneq annertooq ukiup affaata ingerlanerinnaani pingajussaa maanna pivoq.
Illoqarfimmi Qalyoumi kuussuup Nil-ip naanerata nalaanittumi, Kairo-llu avannarpasissortaani 20 kilometerisut ungasitsigisumi qimuttuitsut aporput. Qimuttuitsut uninngatillutik qimuttuitsunik allanik tunuminnit aporneqarput. Qimuttuitsut aappai aqqutaanit peersinneqarmata ulikattalerput.
Inuit 163-it aqqunartut napparsimavinnut arfineq marlunut assigiinngitsunut ingerlanneqarput.
Egyptenimi ukiup affaata ingerlanerinnaani qimuttuitsunik pingajussaa annertuumik ajunaartoqarpoq.