Egyptenimi qaartartumeerinerit misissuiffigineqarput
Egyptenimi ulluni kingullerni qaartartumeerisaqattaarnerit isumannaallisaaniaqatigiinnit misissuiffigineqaleruttorput. Siorna qaartartumeerinerit ippassaanilu qaartartumeerinerit imminnut ataqatigiittut Egyptenimi isumannaallisaaniaqatigiinnit uppernarsineqarpoq.
Isumannaallisaasut misissunerminni paasisimavaat arabiamiut angalaannartut ukiut marluk kingulliit missaani Egyptenimi qaartartumeerisaqattaarsimasut.
Dahapimi ippassaani qaartartumeerineq Al Qaedakkunnut attuumassuteqarsorineqarpoq.
Arabiamiut angalaannartut qaartartumeerisimassappata pinerliiniaqatigiiffinnit ikiorteqarsimanissaat nunanit tamalaani pinerlunniartartunik paasiniaasartoqatigiit assigiinngitsut eqqoriarpaat.
Dahapimi qaartartumeerisoqarmat ikinnerpaamik 21-t toqutaapput arlalippassuillu ikiligaallutik. Danskit tallimat ikiligaapputtaaq.
Egyptenimi paasissutissiinermut ministeri neriulluarpoq takornariallu aarleqqutissaqanngitsut nalunaaruteqarluni.
