Egyptenimi 30-t tigusarineqarput
Allattoq Najaaraq Egede
apriilip 26-at 2006 05:34
Egyptenimi oqartussat takornariaqarfissuarmi Dahabimi qaartartumeerinernut atatillugu peqqarniisaarniaasorisanik 30-inik tigusarinnittut, Danmarkip Radioa nalunaarpoq.
Dahab ippassaq qaartartumeeriffiummat inuit 18-it inuartariaqarput.
Danskit tallimat aamma aqqunartitertut oqaatigineqarpoq.
Egypteni ulluni pingasuni aliasuffiuvoq. Ippassaq Dahabimi innuttaasut peqqarniisaarniarneq akerliuffigalugu ingerlaaqatigiipput. Angutit inuusuttut 50-it ingerlaalermata meeqqat, arnat tappavanimiusut qernertunik annoraarsuallit takornarissallu mattaangangajattut ilanngussorput naggataagut ingerlaaqatigiissuanngorlutik. Pisunit attortissimaqaat, ilaallu qissallutik.
