Egypt Airip timmisartuata aseqqukui nassaarineqarput
Timmisartup timmisartuutileqatigiiffiup EgypAirip timmisartuutaa manerassuarmut pingasunngornerup unnuaani nakkartup, nakkarneranut pissutaasoq suli paasineqanngilaq.
maajip 21-at 2016 18:42
Timmisartup aseqqukui nassaarineqareeraluarput, maannamullu paasineqartut naapertorlugit timmisartup nakkannginnerani iluani pujuliortoqarpoq,
Taama naliliivoq Paul Hulme Harrison taanna ingeniørit peqatigiiffianni timmisartut teknikkimut suleqatigiiffianni siulitaasuuvoq. Taassuma naliliinera naapertorlugu timmisartumi qaartartup qaarsimanissaa ilimagineqanngilaq.
Igitsinimi timmisartukkut angallanermut ministeri isumaqarpoq, timmisartup Parisimit Kairomut ingerlaartillugu radarimit takuneqarsinnaajunnaarneranut pissutaasup oqaatigineqarnissaa siusippallaartoq
Paul Hulme Harrisonip allat assigalugit erseqqissaatigaa peqqarniisaarnianit saassussisoqarsimanissaa ilimagineqarsinnaaasoq.
Timmisartoq nakkartoq 66-nik issimasoqarsimavoq.