Efterskolimut qinnuteqarfissaq sivitsorneqarpoq
decembarip 01-at 2004 10:34
Danmarkimi efterskolernissamut taperneqarnissamik qinnuteqarnissamut piffissarititaasoq kinguartinneqarpoq. Qinnuteqarfissamut killigitinneqartoq ullumikkuugaluarpoq, decembarilli 15-annut kinguartinneqarpoq.
Ilinniartitaanermut pisortaqarfimmiit erseqqissaatigineqarpoq nunaqarfinneersut kommunimut qinnuteqaamminnik tunniussiniarnerat ajornakusoortarmat qinnuteqarfissap ullua kinguartinneqartoq, tassalu periarfissaq sapaatip akunneranik marlunnik sivitsorneqarluni.
Qinnuteqarfissamut piffissarititaasoq allanngoraluartoq tapiffigineqarnissamut akissutisinissaq allanngunngilaq. Qinnuuteqartut akissutisinissartik 1. marsi 2005 naatsorsuutigisinnaassagaat KIIIP ilisimatitsivoq.