Efterskolimik naammassinnittut amerliartortut

Kalaallit inuusuttuaqqat Danmarkimi efterskolini atuartut atuarnerminnik unitsitsiinnartartut qangamut naleqqiullutik ikinneruleriartorput.

Efterskole-mi atuartut atuarnerminnik maangaannaq unitsitsisartut ikiligaluttuinnavipput.

Taama Namminersornerullutik Oqartussat Naatsorsueqqissaartarfaiata Ukiumoortumik Kisitsisitigut Paasissutissiaa saqqummiussaqarpoq.

2001-mi efterskole-mi atuartut uniinnartut 29 procentiusimapput, siornalu atuarunnaartut 12 procentiinnaasimallutik.

Efterskolernerminnik unitsitsisartut ikiliartornerannut peqqutaaqataasinnaavoq Sisimiuni Oqatsinik Pikkorissarfimmi, angajoqqaanut atuartunullu paasisitsiniaasimaneq, tassani pingaartinneqarsimavoq atualertussamut atuarfimmik tulluartumik toqqaanissaq.

Siorna atuartut 262-it efterskole-ni atualernissaannut aningaasanik tapiisoqarsimavoq.

Ukiumoortumik Kisitsisitigut Paasissutissani saqqummiunneqarpoq, atuartut Tasiilameersut pingajorarterutaat utiinnartarsimasut.

Kisannili Maniitsumi, Kangaatsiami, Qasigiannguani, Qaanaamilu tanngassimaarutigineqarsinnaavoq, taakunannga efterskolertut suli taamaatiinnartoqarsimanngimmata.

Aamma Sisimiuni, Ilulissani, Aasianni, Narsamilu tanngassimaarutissaavoq ikittunnguinnaat taamaatittarsimammata.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat