Efterskolimi atuartut ikiorneqaleruttorput
Efterskolemi atuartut timimikkut ajoquserneqanngillat, maannakkullu ilaqutariit attavigsartakkatik ilagivaat.
- Tupannartumik misigisaqarsimagaanni tamannalu oqaluttuariniaraanni allamiut oqaasii atorlugit ilungersunarsinnaammat, tarnip pissussaanik ilisimasalimmik kalaallisut oqaluttumik oqaloqateqarnissaannik periarfissippagut, Kalaallit Illuutaanni Københavnimiittumi ilinniagaqartunut siunnersorti Pia Rosing oqaluttuarpoq.
- Atuartut tupaqqapput, arlallillu erseqqissumik paasinngilaat susoqarsimaneranik. Pigisatik tamaasa annaavaat – atisatik nakorsaatitik oqarasuaatillu angallattakkat ikuallattoqarnerani annaavaat. Taamaattumik atuartut tamarmik 2.000 koruuninik tunineqarnissaat aalajangiunneqarpoq, taakkualu atisanut ulluinarnilu pisariaqartinneqartunut atorneqassapput, Pia Rosing oqarpoq.
Suliffeqarfiit assigiinngitsut Kalaallit Illuutaannit attavigineqassapput mobiltelefoninik atornikunik atortuinillu tunniussaqarsinnaanersut paasiniarlugit.
Efterskolemi atuartut angajoqqaavi kajumissaarneqarput meeqqatik sillimmaserneqarsimanersut qulakkiissagaat.
Kikkulluunniit atisanik allanilluunniit atorunnaakkaminnik atuartunut tunniussaqarsinnaasut kajumissaarneqarput Københavnimi Kalaallit Illutaannut attaveqaqqullugit.
