Efterskolertut uniinnartartut amerlapput

Efterskoli septemberip 19-ani atoqqaartinneqarmat atuartut 80-it nunatsinni tamaneersut atualerput.

- Ullumimut sisamat angerlarserneq pissutigalugu angerlarput, pingasut malittareqqusanik malinnissinnaannginneq pissutigalugu angerlatittaanertik akueraat. Taakkulu arfineq marlunnik nutaanik taarserneqareerput, tamannalu aningaasartorfiusorujussuuvoq, Rasmus Andersen oqarpoq nangillunilu:

Atuarunnaarmata uggornartorujussuuvoq. Tamannami aningaanik asuli atuinertut oqaatigineqarsinnavoq, efterskolip pisortaa ugguaqaluni taama oqarpoq.

Aapparisamik ikinngutinik ilaqutaanillu maqaasisaqarneq pissutigalugu sisamat angerlarsimanissaat naatsorsuutigaa.

- Angajoqqaat ilai oqarsinnaasarput meeqqatta angerlarnissaa kissaatigaarput. Qujanartumilli amerlanerit efterskolimiinnertik nuannaralugulu iluaqutigisarpaat pissarsiffigilluarlugulu forstanderi unnersiorpoq. Angerlartitaasut pingasut efterskolimiinnissaminnut naleqqutinnginnamik angerlaannarnissartik qinersimavaat. Efterskolemili pissutsit taartuinnaanngillat.

- Qujanartumik ingerlaannaq atuartuutivut 80-inngoqqipput, efterskoli ulikkaaqqippoq.

Kangerlussuarmi efterskole Villads Villadsenip efterskolianit allaffissornikkut isumagineqarpoq. Tassani atuartut Villads Villadsenip efterskoleata atuartuinit amerlanerungaartut atuarnerminnik taamaatitsinnaarsimapput. Villads Villadsenip efterskoleata pisortaata qassit taamaatiinnarsimanersut oqaatigisinnaannginnerarpaa.