Edward Kennedy ualimut ilisaavoq

Bostonimi ilisinermut atatillugu pingaartorsiornartumik katersuuttoqarnissaa pilersaarutaavoq, USA-milu ilaqutariinni tusaamasaanerpaasuni nuimanerpaaq eqqaaniarlugu præsident Barack Obama oqalugiassaaq.

Siornatigut præsidentiusarsimasut George W. Buship, Bill Clintonip aamma Jimmy Carterip najuunnisssaat aamma naatsorsuutigineqarpoq.

Silasiortut sakkortuumik anorlernissaa ilimasaarutigigaluaraat, inuit tuusintilikkaat katuullit oqaluffiannut ilisinermi naalagiaqatigiiffiusussamut katersuunnissaat naatsorsuutigineqarpoq.

Nalagiaqatigiinnerup kingornagut Kennedyp illerfia qulimiguulimmik Amerikami illoqarfiit pingaarnersaannut Washingtoniliaanneqassaaq, Arlingtonillu iliveqarfianut ilineqassalluni. Tassani aamma iliveqarput qatanngutai, præsidentiusimasoq John F. Kennedy aamma inatsisinik atortitsinermut ministeriusimasoq Robert Kennedy. Taakku aallaaneqarlutik toqutaanikuupput.

Edward Kennedy nappaammut kræftimut sivisuumik akiuutereerluni marlunngormat, 77-inik ukioqarluni toquvoq.