Edmund Joensen naalakkersuisunik qulakkeerinittuussaaq

Savalimmiuniit folketingimut ilaasortanngortoq, Edmund Joensen, Danmarkimi naalakkersuisuutitaqalersunik qulakkeerinnittuusassalluni neriorsuisimavoq.
Allattoq Elisa Isaksen
novembarip 16-at 2007 17:03

- Folketingimi ilaasortat Atlantikup Avannaaneersut tamarmik qinerseqataanngikkaangata naalakkersuisut amerlanerussuteqartassapput, Atlantikulli Avannaaneersoqatikka taaseqataagaangata uanga aamma taaseqataasassaanga naalakkersuisut amerlanerussuteqarniassammata, Edmund Joensen oqarpoq.

Nunanut allanut tunngasut taasissutigineqaleraangata, soorlu Irakimi sorsunnermut tunngatillugu amerikamiut kilitsissiaqarfiata CIA-ip timmisartuutaasa isertortumik tiguakkanik angallassillutik Danmarkip, Savalimmiut Kalaallillu Nunaata silaannaa angallavigisarsimaneraat misissorneqaqqullugu siunnersuut taasissutigineqalerpat Joensen naalakkersuisutulli naaggaaqataappat, misissueqqusineq pinngitsuussaaq, Joensen taaseqataanngikkaluarpat misissueqqusineq akuerineqassagaluartoq.

Joensenip Venstret folketingimi ilaasortaatitaasa siulittaasuat, Hans Christian Schmidt, oqaloqatigereerlugu periuserisartagassani taama nalunaarutigaa.