Ecstacynik tuniniaasut iperagaapput
Angutit pingasut Nuummi imerniartarfimmi aanngajaarniutinik Estacynik tuniniaasutut pasineqarlutik politiinit sapaatiummat tigusarineqartut, ippassaq iperagaasut, Nuummi politiit aviisimut Sermitsiamut oqarput.
Allattoq Jaaku Lyberth
juunip 30-at 2009 09:24
Angutit pingasut taakkua Canadamiut kilisaataanni inuttaapput. Nuummi politiit ikiaroornartut pillugit paasiniaasartuisa pisortaat, Finn Jeppesen, angutit taakkua pingasut pillugit annertunerusumik oqaaseqarusussimanngilaq, taamaattorli angutit taakkua Kalaallit Nunaannit aallarsinnaasut oqaatigisinnaallugu.
Canadamiut umiartortut pingasut iisartakkanik aanngajaarniutinik ecstacynik tuniniaaniarsarisut Nuummi kajitsiinaaqqami sapaatiummat ualikkut naammattoorneqarput.
Angutit tigusarineqarnerisa kingorna kilisaat angallatigisaat politiit qimmilerlutik misissuiffigivaat, misissuinermili tassani ikiaroorniutinik allanik nassaartoqarsimanersoq politiit oqaatigiumanngilaat, aviisi sermitsiaq taamatut allaaserisaqarpoq.
