DR Congomi nunap immikkoortui ebolamik suli eqqorneqarsimanngitsut akiuussutissamik pilersorneqarnissaat DR Congomi peqqinnissaqarfiup aalajangereeraalu Lwembami toqutsisoqarpoq.Assi: NIAID / Flickr

Ebolamik akiuiniaqataasoq DR Congomi toqutaasoq

Tusagassiortoq nappaatip toqqutigineqarsinnaasup ebolap akiorniarneqarnissaanut DR Congop avannamut kangisissortaani sukataarutiginnittoq angerlarsimaffimmini toqutaavoq.

DR Congomi illersornissaqarfik ippassaq unnukkut taama nalunaaruteqarpoq.

Radiokkut aallakaatitassiortoq, 35-nik ukiulik Papy Mumbere Mahamba, toqutaavoq nulialu ikilerneqarluni. Pinerlunniat suli kinaassuserneqarsimanngitsut taakku illoqarfimmi Lwembami angerlarsimaffiannut sapaatip-akunnerata naanerani iserput.

DR Congomi nunap immikkoortui ebolamik suli eqqorneqarsimanngitsut akiuussutissamik pilersorneqarnissaat DR Congomi peqqinnissaqarfiup aalajangereeraalu Lwembami toqutsisoqarpoq.

Toqutsisut politiinit suli tigusarineqanngillat, sunalu pillugu toqutsisoqarnersoq tamanna pillugu suli oqaaseqartoqarsinnaanani.

Inuit ebolap akiorniarneqarnerani suleqataasut DR Congomi saassunneqakkajupput.

/ritzau/AFP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat