Earthhourimut peqataagit
Silap pissusaata allanngoriartuinnarnera akiorniarlugu ”Earthhour”-imik taaguuserneqartoq ullumi piviusunngortinniarneqarpoq, innuttaasullu tamarmik peqataaqquneqarlutik.
Pinngortitaq pillugu nunarsuaq tamakkerlugu suliniaqatigiiffik, Verdensnaturfonden, qullinik qamititerinissamik kajumissaarisuuvoq, ”Earthhour”-imillu taagorlugu iliuuserineqartoq Australiami Sydneymi siorna aallarnerneqarluni.
København, Chicago, Melbourne aamma Dubai ”Earthhour”-imut peqataapput, Israelimilu illoqarfiit pingaarnersaanni Tel Avivimi qullinik aamma qamiterisoqassalluni.
Qullinik qamiterinissaq akunnermik ataatsimik sivisussuseqassaaq, unnugulu arfineq-pingasuniit nalunaaqutaq qulingiluat tungaanut ingerlassalluni.