Dybetimi saattuarniarneq ammaqqippoq

Aalisarnermut Naalakkersuisoqarfiup aalajangerpaa Sisimiut eqqaanni Ikertuup paavata avataaniittumi dybet-imi, aggustip ulluisa 15-ianiit oktobarip ulluisa 31-at ilanngullugu saattuarniarneq ammaanneqassasoq.
septembarip 05-at 2007 15:40

Ikertuup paavata avataaniittoq, dybet, ukiuni kingullerni aalisagaarummat matuneqarpoq,

Saattuaqassuserli, Namminersornerullutik Oqartussat naapertorlugit, ilorraap tungaanut ingerlavoq, taamaattumik Aalisarneq pillugu Siunnersuisoqatigiit siunnersuutigaat, Ikertuup paavata avataaniittumi saattuarniartoqaqqilissasoq. Pinngortitaleriffimmiilli tamanna akuersaarnartuutinneqanngilaq.

-Saattuarniarnerup Sisimiut eqqaanni ammaqqinneqarnissaa naapertuussorinngilarput, Ann Dorthe Burmeister, Aalisakkanut Raajanullu Pinngortitaleriffimmi immikkoortortaqarfimmi ilisimatooq, Sermitsiamut oqarpoq.

Taamaattorli piumasarineqarpoq, saattuat qaleruaasa sanimut silissusasa 115 millimeteri ataassimassanngikkaat, aamma pullatini ataatsini pisat agguaqatigiissillugit ikinnerpaamik 6 kiiluussasut.

Ikertuup paavata avataani dybet-imi saattuat annerpaamik 350 tonsit pisarineqarsinnaassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq