DVD kalaallit nipilersuutaannik imalik nuannarineqarluarpoq
januaarip 03-at 2006 16:31
DVD-q Kalaallit Nunaanni suliaq, naammasseqqammiinnarluni tunisaanerpaanut ilannguppoq. Sapaatip akunneri pingasuinnaat pisiassaareerluni, DVD, Appigit, 1800-nngorlugu tunisaareerpoq. Imarisai tassaapput Kalaallit Nunaanni nipilersortartut assigiinngitsut tusaamasaanerpaat erinarsugaat nuannarineqarnerit.
Simon Uldum Atlantic Music-imeersoq dvd-mik suliarinnittooqataasimasoq oqaloqatigineqarami oqarpoq ukioq ataaseq missiliorlugu suliarereerlugu naammassigamikku nuannaarutigigitsik. Simon Uldum aamma oqarpoq, suliassamik tullia tassaassasoq DVD kalaallit nipilersugaannik aamma imalik, taannali utoqqasaanerusunut tulluarsarneqassasoq oqarpoq.