Folketingimi Atlantikup Avannaani qinikkat suleqatigiiffiat Dundasimi eqqaavimmi amerikamiut mingutitsisimanerata nalunaarusiarineqarnera attuumassuteqanngitsunit nalilersortinniarlugu pisarnermisut aalajangiussimavaat. Suleqatigiinnimi siunnersortip Dundasimi saliinissaq 200 milliuuni koruuninik akeqassangatippaa, naalakersuisut 40 milliuuni koruunit tungaanut akeqassangatikkaat.
- Tassa siusinnerusukkut iliuuserisimasatsituut nalunaarusiat tamakkua allanut pituttorsimanngittunut misissortittarnikuuagut, siornatigut misilittakkagut pissutigalugit. Aamma una nalunarusiaq siunnersuisarfimmut nassiutereernikuuarput, nalilersuilaaqqullugit qanorpiaq allassimasoqarnersoq uagutsinnut nalunaarutigeqqullugit, taava tunuliaqutarissaarnerulluta suliassaq ingerlateqqinniassagatsigu
Folketingimut ilaasortaq IA-meersoq Kuupik Kleist ippassaq taama oqarpoq, attuumassuteqanngitsumik misissuititartik tassaanerarpaa nalilersuisartoq Karl Bro, taasumalu misissukkani ungasinngitsukkut tunniutissagaa, Kuupik Kleist oqarpoq.