TAKSØEP NALUNAARUSIAA DTU Spacep timmisartuaqqat inuttaqanngitsut amerlanerusut Nunatsinni takorusuppai

DTU Spacemi ilisimatuut pisortaata Jens Olaf Pepke Pedersenip Taksøep nalunaarusiaani avammut saqqummiunneqaqqammersumi Danmarkip Issittumi suliaqarnermini aallussinerunissaanik, Issittumilu qaammataasat atornissaannut periarfissanik misissuisoqarnissaanik kaammattuutigineqartut nuannaarutigai.

Jens Olaf Pepke Pedersen siorna nalunaarusiamik aamma saqqummersitsivoq, tassanilu Issittumi qaammataasanik timmisartunillu inuttaqanngitsunik atuinerunerup Illersornissaqarfiup suliassaanut inuiaqatigiinnilu suliassanut aaqqiissutaasinnaanera allaaserineqarpoq.

Aamma atuaruk Inuit Ataqatigiit Taksøep nalunaarusiaa nuannaarutigaat

- Issittoq suliaqarfigissallugu imaannaanngitsuuvoq. Issittumi sumiiffiit avinngarusimasupilussuit Illersornissaqarfimmut sakkutuujunngitsunullu ajornakusoortitsisarput, attaveqaqatigiinnissamut periarfissat killeqartorujussuummata, taamaattumillu qaammataasat timmisartullu inuttaqanngitsut attaveqaqatigiinnissamut atorluarneqarsinnaapput, Jens Olaf Pepke Pedersen taama allappoq.

Aamma atuaruk Aleqa isornartorsiuisoq – Espersen nersuivoq

Tamatumunngalu peqatigitillugu erseqqissaatigaa Issittumi sumiiffiit avinngarusimasupilussuuneri pissutigalugit kunngeqarfiup namminersortuunera innarlerneqassagaluarpat tamanna Illersornissaqarfimmit kingusissupilussuakkut aatsaat paasineqarsinnaasoq.

Aamma atuaruk Vittus: Taksøep nalunaarusiaa annilaarnarpoq

- Issittumi pisut ingerlaavartumik nutartikkamillu malittarinissaannut Illersornissaqarfik tunngaviusumik pisariaqartitsivoq, tamatumanilu qaammataasat atorlugit nakkutilliinermut aaqqissuussinerit atorluarneqarsinnaapput, DTU Spacemeersoq Jens Olaf Pepke Pedersen taama allappoq, ilanngullugulu oqaatigaa timmisartunik inuttaqanngitsunik qaammataasanillu atuinissamik ineriartortitsisoqarnissaa Naalagaaffeqatigiinni Issittumut tunngasunik siunissami siuarsaanissamut naleqarnerulersitsinissamullu ilapertuutaalluarsinnaasoq.

Taksøep nalunaarusiaa tamaat uani takujuk

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat