DTU kalaallit inissiaataanni misissuissasoq

Nunatsinni inissiat nunatta silaannaanut tulluarsarneqarsimasut sanaartorneqartalernissaat anguniarlugu ilisimatuut misissuiffigisussanngorpaat. Tamanna Danmarks Tekniske Universitets Institutimi DTU Bygimit allaaserineqarpoq.

Nunatsinni inissiat misissorneqassapput, soorlu inissiat qanoq sanaartorneqarsimanersut, illuliortaaseq, illup iluani silaannaap qanoq innera kiisalu najugaqartut qanoq isumaqarnersut paasiniarneqassaaq.

AAMMA ATUARUK Inissiaatileqatigiiffiliornikkut inissialiornerit aallartisarneqassasut

Nunatsinnilumi illuliortariaatsit amerlanerit naliginnaasuusarput assigiikannerlutillu, taamaattumik ilisimatusarfigineqarnissaat naleqquttuupput.

Issittumi inissiat sanaartorneqartarnerat pillugu ilisimasat annertoreerput taamaattoq ataqatigiissaakkamik aaqqissuussaanngillat, DTU Bygimi lektori suliamilu ataqatigiissaarisoq Tove Lading oqarpoq.

- Kalaallit Nunaanni sanaartortartunut ilisimasat ajornakorsoorput, taamaattumik ataqatigiissaakkamik misissuisoqartariaqarpoq, Tove Lading oqarpoq.

Issittumi sanaartorneq unammilligassaqarpoq, ilaatigut anorersuartarnera, masannartuliortarnera, issisiutip allanngorarnerujussua kiisalu qaliarsuit apummit sikumilluunnit qallerneqarsimatillugit innarlerneqanngikkunik ajornartorsiortaasinnaasarput.

AAMMA ATUARUK Nuummi inissiat nutaat 190-it sananeqalersut

DTU Byg naapertorlugu Kalaallit Nunaanni inissiaqarfinni silaannaluttarnera ajornartorsiutaasorujussuuvoq.

DTU BYG-imit ilisimatusarneq Ilisimatusarfik suleqatigalugu ukiuni sisamani ingerlanneqartussatut pilersaarutaavoq.

Ilisimatusarnissaq DTU-mit, Namminersorlutik Oqartussanit, aningaasaateqarfinnit kommuuniniillu 12,2 millionit koruunit aningaasaliiffigineqarpoq.

AAMMA ATUARUK Byggebranchen samlet for at finde løsninger på akutte boligproblemer

AAMMA ATUARUK Naalakkersuisoq siunissami illulioriaasissaq pillugu isumasioqatigiissitsisoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat