Dsko II ikkarlittoq

maajip 15-at 2005 16:20

Ilaasartaat DISKO II ualiartoq Nuup kangerluani Kapisilinni marlup missaani ikkarlissimavoq.

Arctic Umiaq Linemi pisortap Søren Andersenip radioaviisimut ilisimatitsissutigaa ilaasartaat Kapisilinnut tulaniarnermini ikkarlissimasoq, ilaasartaammimi ilaasut niullutik kaffisortussaapput

Kapisilinni ikkarlinneq annerusumik ajoqusiinngilaq, ulinnissaalu utaqqineqarpoq umiarsuaq kaanngarniassammat, ilimagineqarporlu unnuaru ulissasoq, kaanngariarpallu DISKO II ingerlaqqissaaq.

Ilaasut 47-t tamarmik Danmarkimeersut umiarsuarmilu sulisut tamarmik ajunngitsut Søren Andersenip oqaatigaa. Ilaasut niullutik Kapisilinni kaffillerfigineqarput, pilersaarutertillu malillugu unnuaru ingerlaqqissapput.

Nalunartulli pissutigalugit Nuummiit kalittaat Kapisilinnukartinneqarpoq.

DISKO II 1992-mi sananeqarpoq, siornalu takornariat eqqarsaatiginerullugit allanngortiterneqarpoq, 85-nillu ilaasoqarsinnaalerpoq.