Assi: Sund & Bælt

DSB qimuttuitsunik ajunaartut qanigisaanut aningaasanik naasunillu nassiussisoq

Aningasatigut ikiuineq, naasut tarnillu pissusaanik ilisimasalimmik oqaloqateqarsinnaanissaq.

Tassa Danmarkimi qimuttuittuutileqatigiiffiup DSB-p qimuttuitsuutimi ilaata januaarip ulluisa aappaanni ajutoornerani ajunaartut qanigisaanut ilaasunullu neqeroorutiginiagaasa ilaat.

DSB Danmarkip angallannermut ministerianut Ole Birk Olesenimut, Folketingillu angallannermut ataatsimiititaliaanut taama ilaatigut allaaserisaqarptoq, DR-ip aamma allaaseraa.

- Ajunaartunut qanigisaasut aningaasatigut 50.000 koruuninik immikkut ittumik ikiorneqarnissaminnut neqeroorfigineqassapput. Aningaasat inummut ajunaartumut ataatsimut atatillugu qanigisaasunut tamaat ataatsikkut tigusassatut neqeroorutigineqassapput, DSB taama ilaatigut allaaserisaqarpoq.

AAMMA ATUARUK Storebæltimi ajutoortoqarnerani ajunaartut ilaqqittut

Qanigisaasut assigiinngitsutigut piffissami qaninnermi ikiorneqarnissaminnut DSB-mit aamma neqeroorfigineqassapput.

Qimuttuitsut ikaartarfissuarmi Storebæltsbroenimi januaarip ulluisa aappaanni ajutoormata inuit arfineq-pingasut ajunaarput, taakkunannga Danmarkimeersoq Nunatsinni najugalilk ataaseq.

AAMMA ATUARUK Ajunaartut tamarmik kinaassusersineqartut

AAMMA ATUARUK Namminersorlutik Oqartussani atorfilik qimuttuitsut ajutoorneranni ajunaartunut ilaavoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat